Діни таным, ақида туралы түсінік

Сұрақ: Әссәләму ғалейкум. Ақида деген не? Рахмет

Жауап: Уағалейкум ассалам!!!

Ақида – адамның сенім сұрақтары мен қоршаған дүние жөнінде қалыптасқан танымы, пікірі, діни ұстанымдар жиынтығы. Мұсылман ақидасының түп негізі – Құран мен Сүннет. Яғни, әрбір мұсылманның таным-түсінігі, ғұмырлық ұстаным-қағидалары осы қайнар-бұлақтардың негізінде қалыптасуы тиіс. Ақида мен иман бір-бірімен ажырамас ұғымдар. Иман – Алла Тағаланың дiнiн жүрекпен қабыл ету, яғни Пайғамбардың (с.а.с) айтқан нәрселерiн нақты түрде жүрекпен растау. Сонымен бірге иманның амалда көрініс табуы шарт.

Ақида ілімі Исламдағы бес негіздің алғашқысын – иман мәселелерін  зерттейді. Иман Алланың барлығына, бiрлiгiне, перiштелеріне, Кiтаптарына, пайғамбарларға, Ахирет күнiне, тағдырға, жақсылық пен жамандықтың бір Алладан екендiгiне сенуден тұрады.