МАЛДЫ ТЕЗ СЕМІРТЕТІН ДӘРІ БЕРУГЕ БОЛА МА?

 

Малды бағып, оны семіртіп сату арқылы нәпақасын табу – адамдардың күнделікті тіршіліктерінің бірі. Малды жем-шөп беріп немесе дәрі не укол салу арқылы семіртудің оқасы жоқ. Себебі Алла Тағала жер бетіндегі жануарларды адамның пайдасы үшін жаратты. Ол туралы Алла Тағала Құранда былай дейді:

هُوَ الَّذِي خَلَقَ لَكُمْ مَا فِي الأرْضِ جَمِيعًا

«Ол – жердегі (яғни, жердің асты – үстіндегі) бүкіл нәрсені сендер үшін жаратты»[1].

وَسَخَّرَ لَكُمْ مَا فِي السَّمَاوَاتِ وَمَا فِي الأرْضِ جَمِيعًا مِنْهُ إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ

«Сондай – ақ Ол күллі аспан әлемі мен жердегінің бәрін Өзінің шексіз шарапатымен сендерге бағынышты қылды. Шүбәсіз, осында ақылға салып, ойланатын қауым үшін көптеген дәлелдер мен белгілер бар»[2].

Алайда малға берілетін дәрінің немесе уколдың құрамында нәжіс, харам зат, сондай-ақ адамның ағзасына зиян келтіретін нәрселер болмауы талап етіледі. Хадисте:

لَا ضَرَرَ وَلَا ضِرَارَ

«Өзіңе де, өзгеге де зиян беру жоқ»[3], – делінген.

Осыған орай, малды тез семірту үшін дәріні немесе уколды қолдануға болады. Бірақ ол дәрі малдың етін өзгертпеуі, адамға зиян тигізбеуі шарт.

 

 

 Абдужамал Маханбетұлы

Алматы қаласы Орбита-3 мешітінің наиб имамы