Зекет дегеніміз не?

Сұрақ: Зекет дегеніміз не? 

Жауап:

Зекет кітабы

 С: Зекет сөзінің мағынасы не?

Ж: Зекет сөзі араб тілінде тазалық, өсіп-өну деген мағыналарды білдіреді. Ал, шариғатта зекет шығаратын мөлшердегі (нисабқа) мал-мүлік иесінің өзінің дүниесінен Алла Тағала белгілеген зекетін өз иелігінен шығарып, кедейге тапсыруы деген терминдік мағына білдіреді.

С: Зекеттің үкімі қандай?

Ж: Зекет – Алла Тағаланың мұсылмандарға міндеттеген парызы, Ислам дінінің басты діңгектерінің бірі. Алла Тағала Өзінің Кітабында «Намаз оқыңдар және зекет беріңдер» деп бұйырған (Бақара, 43). Зекеттің парыз екендігін мойындамаған адам Ислам міллетінен шыққан болып есептеледі.